Lo Strillone online 2008

Fritoe e galani

Noi alunni della Ia E della media Pisani al mercoledì facciamo un laboratorio sulla cucina e sulle tradizioni della nostra città, Venezia. Abbiamo imparato a preparare il “San Martino”, le “Favete dei morti” i “Buranei” e i “Essi”. Durante uno di questi pomeriggi due nonne di nostri compagni sono venute e ci hanno insegnato a fare “fritoe e galani”. Alcuni nostri compagni hanno provato, con l’aiuto di nonni e genitori, a trascrivere questa esperienza in veneziano.

I nostri insegnanti  Stipitivich  e Di Pietro gà  organizà, nel laboratorio dea scuoa,  un corso de cusina.    
I gà   volesto ciamar anca e none.
Mercore  scorso xe venue  e none de Carlo e Sara par far e fritoe, galani e  castagnole.
Se gavemo diviso in cinque grupi; el mio gà fatto e fritoe con l’uetta.
Gavemo tolto i vovi , ea farina e i gavemo mesi in una piadena par missiarli con un fià de sal fin e de sucaro. Gavemo zontà na fialeta de rum, oltre a late, pinoi e scorsa de naranza e limon masenai. Gavemo missia da novo tutto e assà riposar per vinti minuti.                                                                                                                            
Ea nona ga preparà  na farsora con oio brovente par frisar e fritoe.                                                           
Par ogni fritoa se tol un scuger de impasto e col deo el se buta  nea  farsora .
Quando ea fritoa xe maron ea se cava.
Ala fine alcune le gavemo fate piene de crema co na siringa.
(Luca de Zanch )

Un  mercore  xé venue dò none, ea mia e quea  dea Sara Fusato, a cusinar cò mi e ea meclase, ea prima E dea media Pisani del Lido,perché de soito, de mercore  dopo pranzo,  cusinemo coi profesori Stipitivich e Di Pietro per conosar meio e nostre tradision, anca in cusina..
Finora gavemo cusinà  el cavao de San Martino de pastafroa, e favete dei morti e i Buranei.
Xe stada bea sta sornada  in cusina  coe none e i professori.
(Carlo Rig )

Gera de mercore 30 genaro. Ea xe stada na festa special a scuoa. Gavevimo fato fritoe e galani.
Mi  e Carlo (Rigo) gavemo invità e none nea scuoa a insegnarne a cusinar. El me grupo, co mia nona, gà fato galani,invese staltra nona gà fato e fritoe e gera proprio da divertirse, gerimo tuti contenti!
Co noaltri ghe gera el professor Stipitivich e anca ea professoressa Di Pietro. Co sti professori andemo ogni tanto a Venexia per conoserla meio.
Me par che sia stada na festa riuscia perché tuti gerimo contenti.
Fritoe e galani gera boni e gavemo magnià tuto.
Mi ve scrivo ea riceta de mia nona, cussì podè farla anca vù.
(Sara Fusato)

I GALANI:
Par l’impasto misiar vovi, sucaro, butiro, (un poco moeto) sal fin, rum, un giosso de vin, imon gratà, sontar farina, anca lievito. Far evar tuto fin quando ghe xe un morbido impasto. Zontar, se ocore, n’altro fià de farina.
Quando i galani xe friti se buta de sora un fià de sucaro a veo.